Сиёсати махфият

Таҳрир аз 5 ноябри соли 2026

Ин сиёсат шарҳ медиҳад, ки сайти Donats.tj (donats.tj, минбаъд — «Сайт») кадом маълумотро ҷамъ мекунад ва бо он чӣ мешавад. Сайт якҷоя бо Telegram-мағозаи Tezdonat (@tezdonat_tj_bot) кор мекунад, пойгоҳи фармоишҳои онҳо умумӣ аст. Бо истифода аз Сайт шумо ба ин сиёсат розӣ мешавед.

1. Кадом маълумотро мо мегирем

• Ҳангоми воридшавӣ тавассути Telegram: Telegram ID, ном ва username-и шумо. Telegram онҳоро пас аз тасдиқи воридшавӣ аз ҷониби шумо медиҳад.
• Ҳангоми воридшавӣ тавассути Google: идентификатори аккаунти Google, ном ва суроғаи почтаи электронӣ. Сайт ба мактубҳо, тамосҳо, файлҳо ва дигар маълумоти аккаунти Google дастрасӣ намегирад.
• Калидҳои дастрасӣ: агар шумо калиди дастрасӣ илова карда бошед (воридшавӣ бо Face ID, изи ангушт ё рамзи телефон), Сайт танҳо қисми кушодаи онро нигоҳ медорад. Изи ангушт, рӯй ва рамзи телефон дар дастгоҳи шумо мемонанд ва ба Сайт дода намешаванд.
• Барои фармоиш: ID-и бозӣ, сервер ё минтақа, никнейми аккаунт, ки ҳангоми санҷиш ёфт шуд, аккаунтҳои нигоҳдоштаи шумо ва промокоди татбиқшуда.
• Дар бораи пардохт: маблағ, вақт ва рамзи фармоиш, тарзи пардохт, амалиётҳои баланс.
• Танзимот: забон, асъор ва мавзӯи интихобшудаи намуди зоҳирӣ.
• Манбаи гузариш: қайд, ки шумо бори аввал тавассути Сайт омадед, ва қадамҳои расмикунии фармоиш — барои омори беном.
• Журналҳои техникии сервер: вақти дархостҳо ва IP-суроға. Онҳо мӯҳлати маҳдуд нигоҳ дошта мешаванд ва танҳо барои кор ва ҳимояи Сайт истифода мешаванд.
• Омори ташриф: дар Сайт ҳисобкунакҳои Яндекс Метрика (бо Вебвизор — сабти амалҳо дар саҳифа) ва Google Analytics кор мекунанд. Онҳо маълумоти беном ҷамъ мекунанд: кадом саҳифаҳо кушода шудаанд, клик ва ҳаракати саҳифа, дастгоҳ ва браузер, минтақаи тахминӣ ва аз куҷо омадани меҳмон.

2. Файлҳои cookie ва хотираи браузер

• Cookie-и воридшавӣ — лозим аст, то шумо дар аккаунт бимонед. Бе он ворид шудан мумкин нест.
• Cookie-и асъор ва хотираи браузер — асъор, мавзӯъ ва он чиро, ки шумо дар Сайт аллакай дидаед, дар хотир нигоҳ медоранд.
• Cookie-и ҳисобкунакҳо-и Яндекс Метрика ва Google Analytics — барои омори ташриф. Онҳоро дар танзимоти браузер хомӯш кардан мумкин аст, Сайт кор карданро идома медиҳад.

3. Чиро мо ҷамъ намекунем

Мо парол намесозем ва нигоҳ намедорем: воридшавӣ тавассути Telegram, Google ё калиди дастрасӣ мегузарад. Мо рақамҳои кортҳои бонкӣ ва паролҳои барномаҳои бонкиро намепурсем ва нигоҳ намедорем — пардохт дар барномаи бонки шумо ё дар саҳифаи шарики пардохтӣ мегузарад. Аз выпискаи бонк танҳо маблағ, вақт ва рамзи фармоиш гирифта мешавад; рақамҳои телефон ва корти фиристандагон нигоҳ дошта намешаванд. Паролҳои аккаунтҳои бозӣ барои пуркунӣ аз рӯи ID лозим нестанд ва пурсида намешаванд.

4. Ин маълумот барои чӣ лозим аст

• шуморо ба аккаунт ворид кардан ва фармоишҳо ва баланси шуморо нишон додан;
• иҷро кардани фармоиш ва нишон додани ҳолати он;
• ёфтан ва ҳисоб кардани пардохти шумо;
• ҷавоб додан ба муроҷиатҳо ба дастгирӣ ва баррасии ҳолатҳои баҳсбарангез;
• ҳимояи Сайт ва харидорон аз қаллобӣ ва сӯиистифода;
• ҳисоб кардани омори беном ва беҳтар кардани Сайт.

Суроғаи почтаи электронӣ аз Google танҳо барои воридшавӣ ва алоқа аз рӯи фармоиши шумо истифода мешавад. Мо ба он паёмҳои оммавӣ намефиристем.

5. Ба кӣ мо маълумот медиҳем

• Ба таъминкунандаи молҳои рақамӣ — танҳо он чизе, ки барои додани мол лозим аст: ID-и бозӣ ва сервер.
• Ба бонк ё шарики пардохтӣ — маблағ, рақами фармоиш ва идентификатори шумо дар Сайт, вақте ки шумо тавассути саҳифаи пардохти онҳо пардохт мекунед.
• Ба Telegram ва Google — танҳо барои тасдиқи воридшавӣ, ки худатон оғоз кардед.
• Ба Яндекс ва Google — омори беноми ташриф тавассути ҳисобкунакҳои онҳо (Яндекс Метрика, Google Analytics).
• Ба мақомоти давлатӣ — танҳо бо талаби қонунӣ.

Мо маълумотро намефурӯшем ва ба шабакаҳои рекламавӣ намедиҳем.

6. Нигоҳдорӣ ва ҳимоя

Маълумот дар сервери ҳимояшуда нигоҳ дошта мешавад, пайвастшавӣ бо Сайт рамзгузорӣ шудааст. Кодҳои кортҳои тӯҳфавӣ рамзгузоришуда нигоҳ дошта мешаванд, дастрасӣ ба маълумот танҳо маъмурияти Сайт дорад. Таърихи фармоишҳо ва пардохтҳо то он вақте нигоҳ дошта мешавад, ки барои баҳисобгирӣ ва баррасии баҳсҳои эҳтимолӣ лозим аст.

7. Ҳуқуқҳои шумо

Тавассути дастгирӣ (истиноди «Дастгирӣ» дар поёни саҳифа) шумо метавонед фаҳмед, ки кадом маълумот дар бораи шумо нигоҳ дошта мешавад, онро ислоҳ кунед ё хоҳиш кунед, ки нест карда шавад. Ҳама чизро нест кардан мумкин аст, ба истиснои маълумот дар бораи фармоишҳо ва пардохтҳои иҷрошуда, ки барои баҳисобгирӣ ва баҳсҳо лозиманд. Аккаунтҳои нигоҳдоштаи бозӣ ва калидҳои дастрасиро шумо худатон дар профил нест карда метавонед. Дастрасии Сайтро ба аккаунти Google дар танзимоти Google бозпас гирифтан мумкин аст: «Амният» → «Барномаҳо ва хизматрасониҳои тарафи сеюм».

8. Ноболиғон

Сайт барои шахсони аз 18 сола боло ё онҳое, ки бо розигии волидон ё намояндагони қонунӣ истифода мебаранд, пешбинӣ шудааст. Агар шумо волид бошед ва фикр кунед, ки фарзанд бе розигии шумо ба мо маълумот додааст, ба дастгирӣ нависед.

9. Тағйирот

Мо метавонем сиёсатро нав кунем. Таҳрири нав аз лаҳзаи нашр дар ҳамин саҳифа амал мекунад. Шартҳои харид дар Созишномаи корбар шарҳ дода шудаанд.

10. Тамос

Donats.tj · сайт donats.tj · Telegram: @tezdonat_tj_bot · Ҷумҳурии Тоҷикистон, ш. Душанбе.